Opaque

Sige,
magsalita ka lang dyan.
Tatango lang ako.
Ngingiti sa mga kwento.
Hahawakan ang kamay mo.
Kahit ibang kamay ang nais mong dumampi dito.

Tapos ka na ba?
Ako naman?
Ubos na ang sasabihin ko.
Kahit anong salita pa ang sambitin,
interesante lamang para sayo kapag ukol ito sa irog mo.

Nariyan ka nga sa harapan ko,
lumipad nanaman palayo ang isip mo.
Nandito ako.
Nakikita mo ba ko?

Bakit nga ba ako ang kasama mo?

Nananahimik ako dito
sa payapa ng sariling mundo.
Hindi ko ninais ito'y magulo.
Kaya utang na loob,
layuan mo na ko!!!