Yun lang?

Tanaw niya ang bintana mula sa kanyang kinauupuan. Ang bintanang kanyang sinusubaybayan araw araw. Dito lang niya nakita ang langit, ang aliwalas ng damdaming dala ng ngiting kanyang nasulyapan. Mamula-mulang labi na hindi niya maalis ang kanyang tingin. Ang bahagyang pabukas-sara ng munting bibig tila nagiimbita, nangangantiyaw. Mga matang may kislap na ang titig ay nagdadala ng kakaibang init. Sinalubong niya ang titig. Sabay yuko. Tsaka na lang siya makikipagtitigan ng matagal tagal. Bukas na lang siguro. Sa ngayon, madami pa siyang dapat gawin. Pasulyap sulyap na lang muna siya. Magmamasid, tatanaw...Maghihintay.